Жамбыл облысы әкімдігінің білім басқармасы Шу ауданының білім бөлімінің
«Амангелді атындағы орта мектебі» КММ

Бракераж комиссиясының мүшелері мектеп асханасында оқушыларды ыстық тамақпен қамтамасыз ету сапасына бақылау мақсатында жоспарлы тексеру жұмыстарын жүргізді. Тексеру барысында ұсынылған ыстық тамақтың сапасы мен мөлшері, дайындалу технологиясының сақталуы, тағам өнімдерінің жарамдылық мерзімі, сондай-ақ асхананың санитарлық-тазалық жағдайы жан-жақты қаралды.
Комиссия мүшелері асхананың тазалығы, ас әзірлеу және тарату аймақтарының санитарлық талаптарға сәйкестігі, асхана қызметкерлерінің арнайы киімдерінің талапқа сай болуы, жеке гигиена ережелерінің сақталуын тексерді. Сонымен қатар оқушыларға берілетін тағам мөлшерінің бекітілген ас мәзіріне және белгіленген нормаларға сәйкестігі бақылауға алынды.
Тексеру нәтижесінде мектеп асханасында ыстық тамақтандыру жұмыстары қолданыстағы санитарлық талаптарға сәйкес ұйымдастырылғаны анықталды. Ыстық тамақтың сапасы мен мөлшері қанағаттанарлық деп бағаланды, асхананың санитарлық жағдайы талапқа сай деп танылды